ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

កីឡាករតំណាងជាតិថៃបង្កើតព្រឹត្តិការណ៍ភ្ញាក់ផ្អើលនៅថ្ងៃចុងក្រោយស៊ីហ្គេម

  • ចុះផ្សាយថ្ងៃទី១៧ ខែឧសភា ឆ្នាំ២០២៣ ម៉ោង ១១:៤៨ នាទី ដោយ Hun Sirivadh
  • 1677
  Aa |   aA

ភ្នំពេញ៖ កីឡាករបាល់ទាត់តំណាងជាតិថៃដែលមានប្រជាជនជាង ៧០លាននាក់ បានបង្កើតព្រឹត្តិការណ៍ភ្ញាក់ផ្អើលនៅពុហុកីឡដ្ឋានជាតិអូឡាំពិកកម្ពុជា ដោយបានប្រើហិង្សាវាយលើភាគីបាល់ទាត់តំណាងជាតិឥណ្ឌូនេស៊ី និងគប់មេដាយចោលក្រោយប្រកួតចាញ់។

ហេតុការណ៍នេះបានកើតឡើងកាលពីយប់ថ្ងៃទី១៦ ខែឧសភា ក្នុងពេលដែលប្រកួតបាល់ទាត់ស៊ីហ្គេមឈានដល់វគ្គផ្ដាច់ព្រ័ត្រយកមេដាយមាសរវាងកីឡាករតំណាងជាតិឥណ្ឌូនេស៊ី តំណាងពលរដ្ឋជាង ២៧០លាននាក់ និងកីឡាករជាតិថៃតំណាងពលរដ្ឋជាង ៧០លាននាក់។

ហេតុការណ៍ដ៏គួរភ្ញាក់ផ្អើលនោះគឺជម្លោះរវាងកីឡាករថៃ និងឥណ្ឌូនេស៊ីនៅពេលឥណ្ឌូនេស៊ីស៊ុតបញ្ជូលទីគ្រាប់ទី៣នាំមុខថៃបង្កជាអំពើហិង្សារវាងក្រុមទាំងពីររហូតមានសមត្ថកិច្ចចូលទៅឃាត់ថែមទៀត។

គ្រូបង្វឹកកីឡាករឥណ្ឌូនេស៊ីលោក Indra Sjafri បានលើកឡើងអំពើហិង្សានោះបានបង្ករឡើងពីភាគីថៃមុន បន្ទាប់ពីកីឡាករឥណ្ឌូនេស៊ីរត់ទៅអបអរការស៊ុតបញ្ជូលទីមុខកន្លែងគ្រូបង្វឹកថៃ។

លោកថា៖ «ថៃជាអ្នកបង្កភ្លើងមុន។ កីឡាករថៃ បានរត់មកអបអរឌឺដងខាងឥណ្ឌូណេស៊ីនៅពេលពួកគេរកគ្រាប់បាល់តាមស្មើបាននៅ ២-២។ ក្រោយមកនៅពេលឥណ្ឌូណេស៊ី រកបានគ្រាប់បាល់វិញ ក៏ខាងក្រុមខ្ញុំរត់ទៅអបអរមុខខាងថៃវិញ ទើបបង្កជាហិង្សាកើតឡើងតែម្ដង។ ខ្ញុំមិនគាំទ្រ និងមិនពេញចិត្តចំពោះកាយវិការរបស់ក្រុមខ្ញុំឡើយ។ កីឡាគួរតែមានភាពស្រស់ស្អាតជាងនេះ»។

ប្រទេសឥណ្ឌូនេស៊ីបានយកឈ្នះប្រទេសថៃក្នុងលទ្ធផល ៥ទល់នឹង២ ជាមួយនឹងការចាយកាតក្រហម និងកាតលឿងច្រើនជាងគេក្នុងប្រវត្តិសាស្ត្រនៃការប្រកួតស៊ីហ្គេម។ ដោយប្រើអស់កាតក្រហម៧ និងលឿង១២។

នៅមិនទាន់ចប់ទេចំពោះករណីកីឡាករថៃ ក្រៅពីបង្ករឿងវ៉ៃគ្នាជាកីឡាករឥណ្ឌូនេស៊ីហើយពេលចប់ការប្រកួតកីឡាករតំណាងជាតិថៃលោក Jonathan Khemdee បានគប់មេដាយប្រាក់របស់ខ្លួនចោលដោយថាជាមេដាយដែលបង្កើតឡើងដោយកំហុសរបស់អាជ្ញាកណ្ដាលដូច្នេះលោកមិនចង់បានទេ។ លោកក៏បានបន្ទោសអាជ្ញាកណ្ដាលផងដែរថាដោយសារពួកគេមិនចេះដឹកនាំការប្រកួតទើបកីឡាករវ៉ៃគ្នាបាន។

លោកថា៖ «អាជ្ញាកណ្ដាលមានកំហុសច្រើនណាស់ មិនអាចគ្រប់គ្រងការប្រកួតបានអ៊ីចឹងហើយបានយើងវ៉ៃគ្នា»។

ជ័យជំនះមេដាយមាសផ្នែកបាល់ទាត់ស៊ីហ្គេមឆ្នាំ២០២៣នេះគឺជាការគ្រងជើងឯកវិញរបស់ប្រទេសឥណ្ឌូនេស៊ី បន្ទាប់ពីឆ្នាំ១៩៩១។ បើទោះបីជាមានបញ្ហានៅលើទីលានយ៉ាងណាតែកីឡាករបាល់ទាត់ឥណ្ឌូនេស៊ីបានត្រលប់ទៅគេងវិញជាមួយមេដាយមាស និងមានតុក្កតាស៊ីហ្គេមមួយឱបផងដែរ នេះបើតាមការបង្ហោះរបស់សហព័ន្ធកីឡាបាល់ទាត់ឥណ្ឌូនេស៊ីនៅថ្ងៃទី១៧ ខែឧសភា ឆ្នាំ២០២៣នេះ៕


ព័ត៌មានជាច្រើនទៀតសម្រាប់អ្នក